Konosé bo founa: Para – Patu morèkè (Anas discors)

This post is also available in: Dutch, English.

Un patu morèkè machu na Kòrsou Portrèt: Leon Pors

Un patu morèkè machu na Kòrsou Portrèt: Leon Pors

Tin un variedat di patu ta biba riba Aruba, Boneiru i Kòrsou i Patu morèkè ta un di nan. Si bo ke opservá e para aki na e momentu aki, awor ku dam ainda no ta yen di awa, e mihó lugá pa bai wak ta e diferente planta di tratamentu di awa sushi riba e islanan. Aki nan ta sinta riba e rant di e bakinan den grupo grandi. Pero nan tin basta miedu di hende. Bo por rekonosé e paranan aki na e vlèk blòu ku nan tin riba nan ala ku ta mas fásil pa mira ora nan ta bula. E machu ta haña un vlèk blanku tras di su pik den forma di un mitar sirkulo ora nan kambia nan plumanan i haña nan pluma pa temporada di reprodukshon. Esaki ta sosodé den luna di dezèmber.
Ainda no a opservá reprodukshon riba nos isla, pero esaki por kambia ya ku si por a opservá komportashon di buska pareha. Ademas tin un grupo chikitu ku ta keda henter aña riba nos isla. E para aki ta kome mata di awa pero si e haña chèns di kome slak di awa of insekto e lo hasi esaki. Den sirkumstansia natural e para ta biba den plas di awa dushi of den awa ketu tras di palu di mangel.
Patu morèkè por midi 39 centimeter di largura.

About Michelle da Costa Gomez