Konosé bo founa: kokolishi – Bloedende tandneriet

This post is also available in: Dutch, English.

Bloedende tandneriet (Nerita djente sangrá) (Nerita peloronta)

Por mira e mancha parti abou di e kokolishi.

Por mira e mancha parti abou di e kokolishi.

Esta un nòmber e kokolishi aki tin. Na Hulandes e yama Bloedende tandneriet i na Ingles ta yamé Bleeding Tooth Nerite. Na Papiamentu no tin un nòmber spesífiko pa e animal aki, pero si tradusí e nòmber for di otro idioma e lo haña e nòmber Nerita djente sangrá. E nòmber ta lógiko si bo opservá parti abou di e kokolishi kaminda e boka ta situá. Aki bo por mira un mancha koló kòrá manera sanger i ku di bèrdat ta mustra manera un djente ku a kai for di boka di un mucha chikitu. E nòmber sientífiko pa e animal aki ta Nerita peloronta i e kokolishi aki ta mas grandi ku tur otro variedat di espesie di Nerita ku nos tin riba nos kosta.

Variashon di koló i kuminda di Nerita

Parti ariba di e kokolishi no ta masha remarkabel

Parti ariba di e kokolishi no ta masha remarkabel

E koló di e kokolishi mes ta varia bastante, tin ta pretu, otro tin koló hel ku blanku òf ros ku diferente tipo di patronchi den e koló. No tin 2 mes un kos.
Mayoria biaha por haña e tipo di kokolishi aki riba kosta den laman Karibe, kaminda nan ta di plak na gran kantidat riba piedra di kalki ku ta situá den branding, mei mei di otro espesie di Nerita. Nan kuminda ta konsistí di alga I lima ku ta krese riba e barankanan di kalki kantu di laman.
Konosé bo founa: kokolishi

Michelle da Costa Gomez

About Michelle da Costa Gomez