Konosé bo founa: kokolishi

This post is also available in: Dutch, English.

Nerita di Kuater djente

Un Nerita versicolor buskando kuminda

Un Nerita versicolor buskando kuminda

Kokolishi marino ku ta pertenesé na e famia di Nerite hopi biaha tin punta manera djente ku ta lokalisá riba en plachi banda di e ‘boka’ di e kokolishi, kaminda e kokolishi ta saka su kurpa pa por move. E espesie ‘Caribbean Four-tooth Nerite’ òf Nerita versicolor tin kuater djente riba e plachi banda di e boka i ademas tin un kantidat di punta mas chikitu riba e lep parti pafó. Koló di e kokolishi por varia hopi, for di koló krèm te maron ku un patronchi yen di blòki. Esaki ta hasi ku identifikashon di e animal aki for di ariba por ta masha difísil.
E espesie aki no ta skars, i mayoria biaha por haña un kantidat grandi pegá huntu riba baranka di kalki ku ta situá den área kostal na parti sùit i nort di Kòrsou, Boneiru i Aruba. E animal aki por wanta sekura bon i por opservá nan riba baranka seku ora laman ta abou. E kokolishi no ta aktivo den dia i ta bai en buska di kuminda ora bira sukú.

E parti ariba di e kokolishi

E parti ariba di e kokolishi

Ta konsiderá e animal aki komo adulto ora e tin un grandura di 16 pa 19 milimeter i usualmente e no ta bira mas grandi ku 25 milimeter. Nan ta reprodusí durante henter aña. E machu ta fertilisá e hembra ku un pakete di spèrma ku e hembra por warda pa hasi uso di dje  den futuro.
E espesie aki ta eksistí den henter Karibe i tambe na Florida i Bermuda.

 

 

Parti abou; e 4 'djente' ta fasil pa opservá

Parti abou; e 4 ‘djente’ ta fasil pa opservá

 

 

 

 

 

 

 

 

Michelle da Costa Gomez

About Michelle da Costa Gomez