Invisibel sinembargo indispensabel – 2

This post is also available in: Dutch, English.

Kandela visibel ... supstanshanan toksiko invisibel

Kandela visibel … supstanshanan toksiko invisibel

Humanidát

Apesar ku un piská a kustumá ku tur e awa rondó di dje, e lo muri mes ora si e awa aki wòrdu venená. Meskos ta pasa tambe ku e ser humano ku diariamente ta biba den un laman di gasnan tòksiko. Lastimamente e gasnan aki ta invisibel, pa kual motibu e tendensia por lanta: ‘si mi no ta mir’é, e no ta importante. Esaki ta un tendensia ekstremadamente robes. Manera e dicho Ingles ta bisa: ‘Ignoring the fact, doesn’t make them go away’.

Zwaveldioxide’ (un di e gasnan ku ta wòrdu produsí na momentu ku kima zeta of karbon) ta kousa iritashon di nos ‘slijmvliezen’. Foral e ‘slijmvliezen’ den nos nanishi i nos ‘bovenste luchtwegen’ ta apsorba e ‘zwaveldioxide. Ora ku un persona wòrdu ekspone na konsentrashonnan haltu di ‘zwaveldioxide’ e persona aki ta haña problema ku su sistema respiratorio, iritashon na wowo, problemanan ku pulmon i por enkontra asta morto. Tambe ta konosí ku ‘zwaveldioxide’ ta  trigger atakenan di asma. (Int.mmk.be, 27 juli 2013)

Waterstofsulfide’ tambe ta okashoná iritashon na wowo, nanishi i/o garganta. Na momentu ku un persona wòrdu eksponé na konsentrashonnan haltu esaki por asta laga e persona aki bai for di su konosementu. Personanan ku ta wòrdu ekspone na konsentrashonnan haltu durante di un periodo largu ta haña problemanan di salú manera doló di kabes, problemanan ku konsentrashon i deteriorashon di nan sistema motoriko.  ‘Waterstofsulfide’ ta influensia e sistema nervioso di hende i animal. Banda di esaki ta importante pa tuma na kuenta ku muchanan ta kore mas peliger di wòrdu eksponé na e gas aki. ‘Zwaveldioxide’ ta un gas hopi pisá. Esaki ta pone ku na momentu ku e wòrdu emití e ta keda kologa djis riba superfisie di suela. Komo muchanan ta mas kòrtiku ku e adultonan, nan ta wòrdu eksponé na un konsentrashon mas haltu.  (Lit. J.L. Gerberding, Toxicological profile for Hydrogen sulfide, U.S. Department of health and human services, july 2006)

E nòmber stòf fini ta wòrdu usá pa partinan masha chikitu ku ta sali liber na momentu ku kombustibel ta wòrdu kimá. Algun gas ku wòrdu emití tambe por kambia bira stòf fini. E partinan chikitu aki ta keda zwef den airu i asina ta haña chèns pa drenta nos sistema respiratorio. E partinan aki ta asina chikí ku nos nanishi no por filternan saka afó. Asina nan ta haña chens pa pasa un pasá te den nos pulmonnan. Sientífikonan a duna di konose ku stòf fini por kousa atakenan di kurason, kanser i tambe morto prematuro.(Int. Consumed.nl, 27 juli 2013)

Flora i Fauna

Un investigashon chikí den nos kura, a demostrá ku ta dura mas o ménos tres luna prome ku matanan plantá kantu di waya kaminda outo ta pasa seka seku seku i muri. Apesar ku e matanan aki ta haña sufisiente awa i sombra tòg nan ta muri pa motibu di e kantidat grandi di gasnan ku ta sali for di e outonan. Sin nos opservá e areanan rondo di industrianan tambe nos por saka e konklushon ku tin tiki variashon den e vegetashon di e areanan aki. Está, si tin vegetashon mes.

E piedranan di graf di e sementerio hudiu a desolvé pa gran parti - aw'i seru ásido den akshon ...

E piedranan di graf di e sementerio hudiu a desolvé pa gran parti – aw’i seru ásido den akshon …

Zwaveldioxide’ ta stroba e kresementu di mata i bestia i ta sòru pa e asina yama ‘zure regen’. ‘Zure regen’ na su turno ta okashoná daño na plantashon i edifisionan. (int. Milieuloket.nl, 27 juli 2013) E pH di suela i awa superfisial tambe ta wòrdu influensia pa e awaseru zür aki. E zür ta debilitá e ekosistema di tal manera ku e no por defende su mes mas kontra malesa, mal tempu, sekura ni insektonan. (Lit. Buijsm. E, Meten waar de mensen zijn, 2008-2009) ‘Zwaveldioxide’ ta un di e gasnan ku ta fortalese e efekto di  ‘broeikas’. For di investigashonnan a sali na kla ku ‘Zwaveldioxide’ ta hasi daño na e DNA di bakterianan. Esaki sigur ta un echo ku no mester wòrdu neglishá. (Lit. Dutch Expert Committee on Occupational Standards, Sulphur dioxide, december 2003)

Despues ku ‘waterstofsulfide’ wòrdu emití komo gas e ta keda pa mas o menos 18 ora den nos atmosferá.  Durante e periodo aki e ta wòrdu kambiá den ‘zwaveldioxide’ i  ‘zwavelzuur’. (Lit. J.L. Gerberding, Toxicological profile for Hydrogen sulfide, U.S. Department of health and human services, july 2006) E konsekuensianan di ‘zwaveldioxide’ ya a wòrdu menshoná anteriormente. ‘Waterstofsulfide’ i ‘zwavelzuur’ (apesar ku nan konsentrashon ta hopi abou) tambe ta okashoná awaseru zür ku ta daña e kapa protektor di e matanan i ta laba tur e nutrientenan den e mata saka afó. Na momentu ku e zür aki penetra den suela e ta daña e wòrtelnan di e mata di manera ku e mata no por absorbe niun nutriente mas. Un medio ambiente zür ta sòru pa kresementu optimal di ‘schimmel’ i ta kambia e vegetashon.

Ainda sientífikonan ta investigando e konsekuensianan di stòf fini pa nos flora i fauna.

Poniendo tur e echonan aki huntu nos por saka un konklushon. Si nos ke disponé riba un bon kalidát di airu aki na Kòrsou nos mester kuminsa tuma medidanan serio pa logra esaki. Tantu na nivel di komunidát, empresarial i gobernamental. Mehorashon ta mas efisiente si nos e kuminsa na e fuente. Kada persona por yuda pa drecha e kalidát di e airu ku nos ta biba aden pa e mes i su medio ambiente.

‘Carpool’, plania bo biahe na un manera efisiente (bo ta spar tempu i gasolin), tank bo outo ora solo no ta kima duru (menos evaporashon, mas gasolin den bo tanki) i planta matanan lokal den bo kura di kas (nan tin mester di tiki awa i ta sobrebibí mihó den e klima di Kòrsou). Esakinan ta maneranan simpel ku no ta kosta muchu esfuerso pero ku ya ta yuda kontribui na un airu limpi.

Empresanan por skohe entre un variashon di ‘Best Beschikbare Technieken (BBT)’ ku kua nan por laga nan prosesonan di produkshon kana di un manera mas limpi. Banda di esei kada kompania por stimula su trahadonan riba e tereno di ‘carpool’ òf pa usa transporte pubiko. Asina bo ta krea un kultura ku ta mas konsiente di su aktuashon pa kus u medio ambiente

Last but not least, gobiernu por implementá reglanan pa kontrola e kantidát di gasnan ku ta wòrdu emití. Banda di implementá mester kontrolá tambe si e reglenan ta wòrdu respetá.

Nos por disponé riba airu limpi i yuda kuida nos kalidat di airu!