Bunitesa skondí

This post is also available in: Dutch, English.

Por fin mi por kumpli ku un promesa ku mi a hasi na diferente di nos lektor! Michelle a diskubrí e chikitin presioso aki durante muamentu di nos kua di berdura. Purá nos a bai kué nos kámara pa nos por a inkluí un imágen di e animal bunita aki den nos kolekshon. Ata e animal aki por fin: Kolebra di mespel (Gymnophthalmus lineatus) òf Gestreepte brilteju.

Gymnophthalmus-lineatus_kolebra-di-mispel_L_Pors

E lagadishi chikitu aki tin un bida masha skondí. Mayoria di nan bida nan ta pasa entre blachi morto riba suela. Esaki no ta straño por sierto, e size chikitu di e animal ta hasié un snèk fásil pa lagadishi mas grandi manera blòblò I sierto para. Kolebra di mespel ta kome insekto chikitu.

Ta fásil pa opservá e kuater pata di e animal, ku a redusí te ku nan a bira basta chikí. Ta p’esei e parse un kolebra, I esaki ta responsabel pa e number di e animal na Papiamentu.

Un otro miembro di e founa sorprendente di Kòrsou!

Un otro miembro di e founa sorprendente di Kòrsou!

Hopi di nos lektor a puntra nan mes, si e grandura di e populashon no ta birando ménos. Lamentablemente niun investigashon sientífiko no a ser hasi pa determiná en populashon básiko di nos isla, I niun hende na e momentu aki no ta investigando e animal aki. Ta imposibel pa kita òf afirmá e preokupashon di nos lektornan na un manera sientífiko. Na otro banda e bida di e animal aki ta asina skondí, ku ta fásil pa pèrdè nan for di bista, I mayoria di nos no tin e kustumber di wak bou di blachi morto tur dia.

Pero mi ta sumamente kontentu, ku mi por a enkontrá e sorto aki un biaha mas den nos kurá. Último biaha ku mi por a opservá nan tabata mas ku 2 aña pasá. De en tempu aya mi tabata topa ku nan kasi tur siman, i hasta den grupo huntu den nan komportashon di reprodukshon ekstensivo. Mi ta puntra mi mes, si e ‘puiru blanku’ ku e notorio refineria di nos isla a skupi saka un tempu pasá (nos ta biba mas o ménos pabou di e artefakto antiguo aki) ta asina inosente ku ke a hasi nos kere.

Leon Pors

About Leon Pors