Anochi di estreno eksitoso

This post is also available in: Dutch, English.

e publiko a gosa

e publiko a gosa!

Riba dia 22 di aprel Curacao Footprint Foundation a selebrá dia Mundial di Planeta Tera na un manera úniko. Ku e estreno di Ecosplash- Korsou salbahe, e seri di dokumental di naturalesa nobo ku e fundashon e produsí i e apertura di e eksposishon di portrèt di naturalesa bou di e mesun nòmber, naturalesa tabata e tema prinsipal di e anochi pa e 120 invitado ku a bini Fundashon NAAM pa e evenemento.

 

Sr. Lionel Janga - presidente di fundashon NAAM

Sr. Lionel Janga – presidente di fundashon NAAM

Despues di un ko’i bebe i kome e anochi a kuminsá ku un introdukshon kòrtiku i fierte di presidente di fundashon NAAM Lionel Janga, kaminda e a enfatisá riba e importansia di konservashon di naturalesa. Despues ku sr. Janga a introdusí Curaçao Footprint Foundation , presidente di e fundashon Michelle da Costa Gomez a duna un resúmen kòrtiku di e proseso ku a hiba na e resultado final ku por a mira riba e anochi i a pone hopi atenshon na e sponsornan, espeshalmente Prins Bernhard Cultuurfonds, i tambe tur otro hende ku a yuda hasi e anochi un éksito, E públiko a reakshoná masha entusiasmá ora e menshoná e echo ku TeleCuracao ta yuda dor di transmití e programa sin gastu.

Direktor di e fundashon, Leon Pors, a papia despues riba e filosofia tras di e seri i e diferente choice ku a tuma. E programa ta konsistí di 6 episodio di 15 minüt, ku ta nèt bon pa transmishon den programa di Telecuracao i ademas tambe ta nèt bon pa inkorporá den enseñansa. Tur episodio ta na Papiamentu.

E invitadonan a haña e chèns di wak dos episodio di e seri i despues por a hasi pregunta.

Anneke Polak ku su obranan

Anneke Polak ku su obranan

Fotógrafo Anneke Polak a tuma palabra despues pa duna un introdukshon di e eksposishon di portrèt di naturalesa (wak tambe www.curacaofootprint.org pa tur informashon di e fotógrafo nan ku ta partisipá na e eksposishon.)

E reakshon tabata tremendo.

Dia 22 di aprel, World Earth Day, tabata un dia hopi spesial kaminda a para ketu na e bunitesa di naturalesa. I e awa ku a kai un tiki promé a duna nos un anochi kla i masha bunita.

Por bishitá e eksposishon te ku dia 13 di mei na Stichting NAAM na Johan van Walbeeckplein. Bishitante tin ku primi e bèl pa e porta habri. E seri di dokumental lo estrená na TeleCuracao dia 29 di aprel 21.15 or.

 

 

E fotografonan

E fotografonan

I korda wak TV8 pa e seri di dokumental:

 

Michelle da Costa Gomez

About Michelle da Costa Gomez