Stewardship vs Conservation

This post is also available in: Dutch, English.

Tin bia un hende por usa un palabra durante su diskurso, ku ta inspirabu pa amplia riba un sierto topiko. E biaha aki ta trata di e palabra “Stewardship”. Den un mundu kaminda e gritu pa konservashon ta sobresalí asina tantu ta importante pa para ketu na e implikashon di e terminologia akí.

Si nos wak den dikshonario e palabra konservashon ta wordu definí komo, un akto pa preservá algu den su estado original. ‘Stewardship’ ta wòrdu usá pa indika e maneho responsabel di algu ku a wòrdu konfiá na bo. Responsabel ta indiká ku temporalmente bo lo tinku duna kuenta i rason di bo maneho.

Desaroyo por ta nesesario, pero mester ta balansá!

Desaroyo ta algu hopi krusial pa sobrebibensia di un sosiedat. Populashon ta krese i industria ta wordu atraé pa ofrese mas kupo di trabou. E hende ta kuminsa hasi mas uso di e tereno na su disponibilidát pa forma su bibá. Esaki ta un proseso logiko ku sigur mester haña espasio pa keda ehekutá. Motibu pa kua e idea di konservashon está, preservashon di, den e kaso akí naturalesa den su estado original, no ta un senario realístiko. Sinembargo ta un lastimamente ku desaroyo no ta sosode di un forma responsabel.

Obseshoná hende ta tuma mas espasio i rekursonan natural pa uso propio ku realmente e tin mester di dje pa por biba. Banda di esei e no ta hasi nada tampoko òf tiki pa kompensá pa e pèrdida ku e ta okashoná. E maneho aki ta unu hopi iresponsabel ku ta kousa deteriorashon di nos medio ambiente te na e punto ku e hende no por eksisti mas. Ta hopi naïf pa tuma e aktitut “Awe mi ta biba, mañan bin ku di dje”. Realisá ku kisas mañan bo tei ainda.

Si nos bai wak e efekto ku un aktitut iresponsabel tin pa e naturalesa riba nivel mundial, pa un país òf pa un isla ta obvio ku mas chikitu e superfisio bira mas grandi e efekto lo ta. Efekto nan ku riba nivel mundial kisas por wordu neglishá, mayoria bia ta afektá islanan na un manera mas drastiko. Si mi usa e ehèmpel di un tsunami komo ehèmpel. Un aardbeving bou di laman ta okashona un ola ku tin e potensia pa hasi hopi daño. Si e ola aki pèrdè su forsa riba laman mes, e efekto lo no ta notabel (nivel mundial). Si e ola yega kosta di un país, solamente e kosta lo haña dano (nivel di país). Aun mas tristu ta si e ola yaga na kosta di un isla. E efekto lo wòrdu nota riba henter e isla.

Pues na momentu ku bo ta desaroyá un isla sin planifiká bo ta kreando un situashon kaminda tardi of trempan no tin un balansa salú mas entre desaroyo i medio ambiente. Konsientemente mi ta skohe pa usa e palabra medio ambiente akinan paso un hende no tin mester di solamente naturalesa den forma di mata i bestia pa e biba. Pero tambe un kalidat haltu di airu, suela i awa. Desaroyo di un sosiedat ta influensiá esakinan tambe. Solamente bo no ta skucha di nan hopi pasobra nan deteriorashon ta menos visibel.

E komunidat tin ku laga relashonnan ekologiko na pas.

Ora ta desaroyá semper ta sinta na mesa i kalkulá kuantu material tin mester i si tin sufisiente sèn pa finalisá e projekto den e tempu fihá. Importante ta pa kuminsa laga e efektonan riba medio ambiente di e aktividát ku ta bai keda ehersé, pisa mesun tantu ku e promé aspektonan menshoná. Di e forma akí ta bira mas kla kiko por hasi pa kompensá òf si ta responsabel mes pa eherse e akitividát fihá.

Lòs for di e kalkulashon pa kada aktividát mester huzga tambe si e aktividat ta na bienestar di e isla den su totalidát. Nombra areanan kaminda hende por biba i hasi negoshi chiki (stedelijke gebieden), duna espasio pa agrikultura i industria i laga un espasio representabel pa naturalesa kana su kaminda. Leg esakinan vast i respetá nan. No ta logiko ku ta keda destruí e naturalesa fragil i uniko siendo ku tin sufisiente edifisio den estado di deteriorashon ku por traha luga pa desaroyo. Pensa i aktua responsabel. Sea un embahador ehemplar. Bo yunan por ta esnan na kua bo tinku responsabilisá bo mes mañan!