Saka e bala

This post is also available in: Dutch, English.

Un Krabèchi di 'chill', pará riba un pata so.

Mientrastantu mi tabata eksperimentá ku e diferente ‘settings’ di mi kámara, ku tabata dirigí riba un Krabèchi (Yellow-crowned Night Heron, Nyctanassa violacea) ku no tabata na altura di esaki, pa aksidente mi a filma e shot aki. Ya ku mi no tabata filmando ‘ofisialmente’ mi no tabata paga tinu riba mi ‘viewfinder’. Ta despues numa, ora m’a pasa den tur e shotnan ku mi a graba e dia ei, m’a ripara e komportamentu asombroso aki.
Den pasado mi a yega di sigui e pasonan ku un pareha di palabrua di Kòrsou tabata hasi, i e echo ku nan ta saka balanan tur dia ku ta kontené restu indegestibel di nan kuminda di e anochi ei, tabata informashon familiar pa mi. E echo ku e Krabèchi aki tambe tabata mustra e komportamentu aki si tabata notisia pa mi. E komportamentu no ta asina straño si bo pensa bon. Nan kuminda ta eksistí di guengu i de bes en kuando kangreu grandi, i tambe piska. En general nan lo purba di krak e kaska di e bestianan aki pa asina yega na e sukulento parti paden. Pero tòg nan lo guli fragmentonan di chitina, e skelèt di afó di e bestianan. E para no por digesti e material aki, i tin ku sake afó despues di un ratu. Di parti di su pik. E proseso mes ta mustra un tiki insaludabel. Na promé instante m’a pensa ku e para tabata sufri di konvulshon i ku e lo bai muri. Pero nada di esaki a sosodé. Lo ke e tabata hasi ta simplemente limpia su stoma.

Leon Pors

About Leon Pors